Хитай б д т қисимлирини дарфур райониға әвәтиш мәсилисидә назлиниватиду
2006.05.09
Җуңго һөкүмити сәйшәнбә күни суданниң дарфур райониға б д т тинчлиқ сақлаш қисимлирини орунлаштуруш пиланиға ипадә билдүрмиди. Лекин дарфур районида тинчлиқниң әслигә келишини халаймиз, дәп көрсәтти. Хитай ташқий ишлар министирлиқи баянатчиси лю җйәнчав, сәйшәнбә күни мухбирларға " җуңго тәрәп хәлқара җәмийәт билән дарфур районида омумйүзлик тинчлиқни әмәлгә ашуруш үчүн изчил хизмәт қилиду " дәп тәкитлигән болсиму, лекин җуңго һөкүмити америкиниң дарфурға б д т қисимлирини орунлаштуруш пиланини қолламду, дегән суалға җавап бәрмиди.
Америка суданниң дарфур районида йәрлик африқилиқларға қарши елип берилған қирғинчилиқни " етник тазилаш" дәп атиған. Судан һөкүмити билән дарфурдики партизан күчләр өткән җүмә күни америка вә африқа иттипақиниң салачилиқи астида келишим имзалиди. Буниң билән езидент буш дүшәнбә күни америкиниң дарфур райониға б д т қисимлирини орунлаштуруш тоғрисида хәвпсизлик кеңишигә тәклип лайиһиси сунидиғанлиқини җакарлиди.
Һазир хитайниң җәнубий судан районида 450 кишилик тичнлиқни қоғдаш қисими бар. Америкиниң хәвпсизлик кеңишигә йоллиған тәклип лайиһиси җәнубий судандики б д т қисимлирини дарфурға орунлаштурушни өз ичигә алиду. Бу хитайниң җәнубий судандики 450 кишилик қошунини дарфур райониға йөткәш мумкинчилики пәйда қилиши мумкин. Лекин хитай судан һөкүмитиниң әң чоң қорал - ярақ билән тәминлигүчиси вә судан нефитиниң әң чоң херидари.
Дарфурға б д т қошунлирини орунлаштуруш мәсилисидә хитайниң мәйдани муһим рол ойнайду. Чүнки хитай йеқинда хәвпсизлик кеңишиниң 4 нәпәр судан әмәлдариға саяһәт имбаргоси қоюш қарарини рәт қилған. (Әркин)