Béyjing shehirining sabiq bashliqi chin shitung dawalinish üchün kapaletke qoyup bérildi

Xiyanetchilik sewebidin türmige tashlan'ghan xitay kompartiyisining yuqiri derijilik emeldari, béyjing shehirining sabiq sheher bashliqi chin shitung 16 yilliq qamaq jazasigha höküm qilinip 8 yil türmide yatqandin kéyin, dawalinish üchün kapaletke qoyup bérildi.

" Jenubiy junggo etigenlik pochta géziti" ning xewer qilishiche, chin shitung türmidin béyjingdiki bir herbiy doxturxanigha élip bérilghan, lékin uning késellik ehwali élan qilinmidi. Junggo kompartiyisi 1989 - yili 6 - ayning 4 - küni esker chiqirip tyen'enmin démokratiye herikitini basturghanda, chin shitung béyjing shehirining bashliqi idi. U1995 - yili partiye ichidiki siyasi küreshte meghlup bolghandin kéyin, 1998 - yili béyjing shehirining ghezinisidin 2 milyard dollarning xiyanet qilinish weqesi bilen chétishliqi bar, dep eyiblinip wezipisidin élip tashlan'ghan we 16 yilliq qamaq jazasigha höküm qilin'ghan idi. Eyni chaghda kishiler chin shitung kompartiye rehbiri jang zémin'gha qayil bolmighanliqtin aghduruldi, dep qarighan.

" Jenubiy junggo etigenlik géziti"ning ashkarilishiche, közetküchiler chin shitungning dawalinish üchün kapaletke qoyup bérilgenlikidin heyran qalghan. Chünki buningdin sel burun ashkarilan'ghan xewerlerde ilgiri sürüshiche, chin shitung dawalinish üchün kapaletke qoyup bérilishni ret qilip, shertsiz qoyup bérilishni telep qilghan. (Erkin)