Fujiyen déhqanliri saqchilarning zorawanliqigha qarshiliq bildürdi

Fujiyen ölkisining sangshen baziridiki déhqanlar yéqinda xitay saqchiliri teripidin zorawanliq bilen basturuldi.

Amérikidiki"xitay kishilik hoqoq" teshkilatining peyshenbe küni ashkarilishiche, bu ayning 1 - küni fujiyenning fujuw shehiridiki yüzdin artuq saqchi , yéngila emgek bilen özgertish meydanidin qoyup bérilgen bir qisim kishilerni bashlap sangshen baziri wenli kentige kélip, u yerde tinch olturup namayish ötküziwatqan déhqanlarni qattiq urghan. Weqede az digende 15 déhqan yarilan'ghan. Buning ichide tötining yarisi éghir bolghan.

Mezkür teshkilatning bildürishiche,sangshen bazarliq hökümet da'iriliri déhqanlar özliri pul chiqirip qurghan zawutning yérini mejburiy tartiwalmaqchi bolghinida, déhqanlarning qarshiliqigha uchrighan. Déhqanlar özlikidin teshkillinip kéche - kündüz zawutini qoghdighan. Hökümet tarmaqliri bu dewani axirida zorawanliq wastisi bilen basturghan. Gerche déhqanlar xitay merkizi hökümitige ochuq xet yézip, mezkür diloni éniqlishini telep qilghan bolsimu, hazirghiche munasiwetlik tarmaqlar bu ishqa hichqandaq inkas qayturmighan.

Xitayda, hökümet da'irilirining chirikliki, yerlerni qalaymiqan tartiwélishi qatarliq mesililerge narazi bolghan xelq ammisi köplep namayish ötküzmekte. Ötken yilila xitayda üch milyondek kishi 58 ming qétimdin köprek namayish élip barghan. (Arzu)