Xongkongluqlarning toluq démokratiye telipi ret boldi

2007-12-31
Élxet
Pikir
Share
Print

Xitay xelq qurultiyi da'imiy komitéti shenbe küni yeni 29 ‏- dékabir küni, xongkongda ötküzülidighan omumi saylamning waqtini muzakire qildi. Muzakire netijiside xongkongluqlarning omumi saylamni 2012 ‏- yili ötküzüsh telipi ret boldi.

Xongkong qanuni buyiche xongkong rayon bashliqi 5 yilda bir qétim saylinidu؛ 3 ‏- qétimliqi 2012 ‏- yili ötküzülidu. Nöwette xongkongda yolgha qoyuluwatqan saylam usulida, rayon bashliqini xongkong xelqi biwaste saylap chiqmaydu, belki saylam komitéti teripidin saylinidu.

Saylam komitétida 800 neper eza bolup, bular, xongkongdiki türlük saheler teripidin körsitilgen wekil, bularning hemmisi béyjing terepdari. Xitay xongkongni ötküzüwalghanda, xongkong rayon bashliqini xongkong xelqining özi saylap chiqidighanliqi yeni omumi saylam ötküzilidighanliqi heqqide wede bergen, emma omumi saylamning waqtini tilgha almighan.

Hazir xongkong xelqi xitayni eshu wedisini emeliyleshtürüshke qistimaqta idi. Aldinqi ayda, xongkong rayon bashliqi, béyjinggha doklat yollap xongkongluqlarning bu telipini yetküzgen, xongkongdiki démokratchilar, aldinqi hepte achliq élan qilip, xongkong xelqining omumi saylimini 2012 ‏- yili ötküzüsh telipining qet'iylikini béyjingning ésige salghan idi.

Xitay xelq qurultiyi da'imiy komitéti shenbe künki yighinida, xongkongluqlarning mezkur telipini ret qilip؛ omumi saylamning 2017 ‏- yili ötküzülidighanliqini, 2012 ‏- yili peqet, nöwettiki saylam usuligha belgilik özgertish kirgüzidighanliqini bildürdi. (Shöhret hoshur)

Pikirler (0)
Share
Toluq bet