Ройтерс агентлиқиниң бейҗиңдин бәргән хәвиридин мәлум болушичә, хитай пешқәдәм демократ рен вәндиңниң хоңкоңни зиярәт қилишиға рухсәт қилди.
Хитай даирилириниң бу хил һәрикити кишиләрни һәйран қалдурған болуп, бәзиләр "бу демократийиниң хитайда аста- аста баш көтүрүши " дәп қариса, йәнә бәзиләр " хитайниң бундақ қилишиниң арқида чоқум бир гәп бар, шундақла буни келәр йили бейҗиңда ечилидиған олимпик йиғини билән чоқум мунасивәтлик дәп қарашқа болиду" дәп көрсәтмәктә.
Бу йил 62 яшқа киргән рен вәндиң ройтерс мухбирлириға өзиниң келәр дүшәнбә күни аяли җаң феңйин билән бирликтә йолға чиқмақчи болуватқанлиқини сөзләп келип "мән хитай һөкүмитиниң бу қетим мениң хоңкоңни зиярәт қилишимға рухсәт қилғанлиқини ойлисам, пәқәтла ишәнгүм кәлмәйватиду. Бәлким улар пат арида бейҗиңда ечилидиған олимпик йиғининиң һечқандақ тосалғусиз ечилишини пиланлап, мушу қарарға кәлгән болуши мумкин" дәп билдүрди.
Пешқәдәм демократ рен вәндиң 1979 - йили " хитай хәлқиниң баянати " намлиқ китабни язғанлиқтин һәм йәнә 1989 - йилидики тйәнәнмин оқуғучилар һәрикитигә қатнишип, хитай демократлар бирләшмисини пиланлиғанлиқтин дәсләптә 4 йил, кейин 7 йил түрмидә ятқан. У түрмидин чиққандин кейинму йәнила қаттиқ назарәт астида яшап кәлгән. (Меһрибан)
Мунасивәтлик мақалилар
- Хоңкоң мәмури сайламдин бурун демократийигә йол ачидиғанлиқи һәққидә вәдә бәрди
- Хоңкоңлуқлар демократийини тәләп қилип намайиш өткүзди
- Хоңкоңда елип бериливатқан сайлам риқабити хитай сияситиниң очуқ-ашкара болуш чекини синайду
- Ху җинтав хоң коңниң 10 йиллиқи мурасимиға қатнашмақчи
- Хоңкоң һөкүмити һамилдар аялларниң хитай чоң қуруқлуқидин хоңкоңға келип йәңгишини чәклиди
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Д у қ пүтүн дунядики уйғурларни “5-июл үрүмчи қирғинчилиқи” ниң 13 йиллиқини хатириләшкә чақирди
