Хитай һөкүмити хоңкоңда рифирандум елип беришни рәт қилди

Хитай һөкүмити хоңкоңдики димукратийини яқлайдиған сиясий өктичиләр оттуриға қойған 2007 - йили хоңкоңда бивастә сайлам елип бериш мәсилисидә рифирандум йәни хәлқниң райини синаш елип бериш тоғрисидики тәклипни рәт қилди.

Америка бирләшмә ахбарат агентлиқиниң хәвиригә қариғанда, хитай һөкүмити хоңкоңдики 2 - номурлуқ шәхс зиң йинчүәнниң бу мәсилидики позитсийисини қоллайдиғанлиқини билдүргән. Зиң йинчүән хоңкоңда рифирандум елип беришни" әмилийәткә уйғун әмәс" вә "вақит исрапчилиқи" дәп көрсәткән иди.

Хоңкоңдики димукратчилар,хитай һөкүмитидин 2007 - йили хоңкоңниң мәмурий раюн башлиқини, 2008 - йили парламент әзалирини хәлқ бивастә сайлам арқилиқ сайлап чиқишиға рухсәт қилишини тәләп қилмақта. Бу мунасивәт билән йеқинда бивастә сайлам өткүзүш үчүн хәлқниң райини синашни оттуриға қойған иди. Бирақ, хитай һөкүмити буни рәт қилди.

Хитай хәлқ қурултийи бу йил 4 - айда хоңкоңниң асасий қануниғатүнҗи қетим чүшәндүрүш берип, хоңкоң хәлқиниң хоңкоң мәмурий раюн рәһбири вә парламент әзалирини бивастә сайлам арқилиқ вуҗудқа чиқириш һәққидики тәләплирини рәт қилған һәмдә мәмурий башлиқниң бейҗиң һөкүмити тәрипидин бәлгилинидиғанлиқини көрсәткән иди. (Арзу)