Xongkongning démokratchi parlamént ezaliri xitayni ziyaret qildi

Xongkongning démokratchi parlamént ezaliri yekshenbe küni xitaydiki ziyaritini bashlidi. Ular ilgiri 1989 - yildiki tyen'enmén weqeside xitayni eyibligenliki üchün béyjing hökümiti ularning xitaygha kirishini cheklep kelgen idi.

Amérika birleshme agéntliqining xewirige qarighanda, merkizi béyjing hökümiti yaxshi könglini ipadilesh üchün xongkong parlaméntidiki barliq 60 neper parlamént ezasini xitaygha ikki künlük ziyaretke teklip qilghan.

Xongkong alahide memuriy rayonining bashliqi séng yinchü'en muxbirlargha, bu qétimliq ziyaretning xitay bilen xongkong parlaménti otturisidiki alaqini kücheytishke paydiliq bolidighanliqini bildürdi. Xitay hökümiti uzundin béri démokratiyini terghip qilidighan parlamént ezalirigha yalghuz qaldurush siyasitini yürgüzüp kelgen idi.

Xongkongdiki 25 neper démokratchi parlamént ezasining ichide "tyen'enémn weqesi" ge hésdashliq qilidighan dangliq démokratchi lyang goshyungmu bar. U xitaygha seper qilishning aldida muxbirlargha, özining xitaydiki ziyariti dawamida amal bar öz qarishini tarqitishqa tirishidighanliqini hemde üstige tyen'enémn meydanigha tanka kirgen waqtidiki süret chüshürülgen qara mayka kiyip yürüydighanliqini bildürdi. (Peride)