Деңиз борини сәвәбидин хитайда 320 миң киши көчүрүлди

" Айри" дәп нам берилгән деңиз борини тәйвәнгә һуҗум қилип йәттә кишиниң өлүшини кәлтүрүп чиқарғандин кейин, у һазир шималға сүрүлүп хитайниң җеҗияң өлкисигә қарап маңған. Бу мунасивәт билән бихәтәрлик сәвәбидин, бу райондики 320 миң киши башқа җайларға көчүрүлгән.

Америка бирләшмә ахбарат агентлиқиниң хәвәр қилишичә, " айри" намлиқ деңиз борини сәйшәнбә күни саитигә 130 километир сүрәттә тәйвәнни бесип өткән болуп, гәрчә пүтүн идарә-органлар хизмәт тохтатқан болсиму, лекин йәнила 5 тәйвәнлик вә 2 японийилик аялниң өлүшини кәлтүрүп чиқарди.

Хитай мәркизи һав райи идарисидики бир нәпәр әмәлдарниң билдүрүшичә, бу боран җеҗияңға йетип кәлсә, бу йәрдә қум шеғиллири еқиш вә тағ сийрилиш вәқәлирини кәлтүрүп чиқириши мумкин икән.

" Айри" деңиз борини тәйвәндин өткәндә, дәрәхләрниң өрүлүп чүшүши вә машиниларниң соқулишидәк нурғун зиянларни кәлтүрүп чиқарған болуп, нөвәттә кишиләрниң әндишә қиливатқини, адәттә " айри" боринидин кейин келидиған алаһидә чоң деңиз борини болмақта. (Пәридә)