Déngiz borini sewebidin xitayda 320 ming kishi köchürüldi


2004.08.25
Share on WhatsApp
Share on WhatsApp

" Ayri" dep nam bérilgen déngiz borini teywen'ge hujum qilip yette kishining ölüshini keltürüp chiqarghandin kéyin, u hazir shimalgha sürülüp xitayning jéjiyang ölkisige qarap mangghan. Bu munasiwet bilen bixeterlik sewebidin, bu rayondiki 320 ming kishi bashqa jaylargha köchürülgen.

Amérika birleshme axbarat agéntliqining xewer qilishiche, " ayri" namliq déngiz borini seyshenbe küni sa'itige 130 kilométir sür'ette teywenni bésip ötken bolup, gerche pütün idare-organlar xizmet toxtatqan bolsimu, lékin yenila 5 teywenlik we 2 yaponiyilik ayalning ölüshini keltürüp chiqardi.

Xitay merkizi haw rayi idarisidiki bir neper emeldarning bildürüshiche, bu boran jéjiyanggha yétip kelse, bu yerde qum shéghilliri éqish we tagh siyrilish weqelirini keltürüp chiqirishi mumkin iken.

" Ayri" déngiz borini teywendin ötkende, derexlerning örülüp chüshüshi we mashinilarning soqulishidek nurghun ziyanlarni keltürüp chiqarghan bolup, nöwette kishilerning endishe qiliwatqini, adette " ayri" borinidin kéyin kélidighan alahide chong déngiz borini bolmaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.