Бултур чаңҗяң дәрясиға 30 милярд 500 милйо нтонна әхләт қоюп берилгән
2007.11.14
Сүйи бивастә шәрқи деңизға қоюлидиған, узунлиқи 6275 километирлиқ чаңҗяң дәряси дуня буйичә үчинчи чоң дәря болуп һесаблиниду. Хитай учур вастилириниң ашкарилишичә, хитайда бултур чаңҗяң дәрясиға 30 милярд 500 миң тонна санаәт вә йеза игиликидин аҗралған химийивий әхләтләр вә аһалә юндилири қоюп берилгәнликтин, бу, дәря сүйиниң еғир дәриҗидә булғинишини кәлтүрүп чиқарған.
Бирләшмә агентлиқиниң баян қилишичә, чаңҗяң дәрясиниң булғиниши һазир тарихтики әң юқири сәвийигә йәтти. Хитайда чаңҗяң дәрясиға қоюп берилидиған зәһәрлик химийивий аҗралмиларниң миқдари, йеқинқи йиллардин буян һәрйили 900 милйон тоннилап ашмақта. Асия банкисиниң баян қилишичә, хитайда шәһәрлишишниң тезлитилиши җәрянида пәйда болған муһит булғиниши кишини чөчүтиду.
Буниң ичидә суниң булғиниши әң еғир мәсилә. 'Йешилчилар' дәп атилидиған хәлқара тинчлиқ тәшкилатиниң баян қилишичә, һазир хитайда болғиниш әң еғир болуватқан җайлар дәп тилға елиниватқан җайлар чаңҗяң дәрясиниң төвән еқимида. Чаңҗяң дәрясиниң юқири еқимидики әхләтләр болса сәнша боғузиға кәлгәндә сүзүлүп тохтап қалиду. Сәнша көлиму һазир бир 'дәриҗидин ташқири әхләт көли' гә айлинип қалди. (Вәли)
Мунасивәтлик мақалилар
- Хитайда муһит вә суниң булғиниши сәвәблик инсанлар муддәттин бурун һаятидин айрилмақта
- Хитайдики чоң дәряларда су йүзи төвәнләп кәтти
- Муһит булғинишидин хитайда һәр йили йүз миңлиған адәм өлмәктә
- Хитайда дәря еқини булғиниш һадисиси көпәймәктә
- Суңхуаҗяңниң булғиниш вәқәси хитайниң гүллинишиниң қараңғу тәрипини көрситиду