Хитайниң йеңи диний бәлгилимиси, диний әркинликни техиму боғиши мумкин


2004.12.20
Share on WhatsApp
Share on WhatsApp

Анализчилар хитайниң йеңидин елан қилған диний ишларни башқуруш бәлгилимисиниң диний әркинликтин әмәс, бәлки һөкүмәтниң қармиқиға тәвә болмиған диний гуруппиларниң паалийәтлириниң техиму қаттиқ контрол қилинидиғанлиқидин дерәк беридиғанлиқини оттуриға қоймақта.

Хитай һөкүмити йәкшәнбә күни диний ишларни башқурушниң йеңи бәлгилимисини елан қилип, уни киләр йили 3 - айниң 1 - күнидин етибарән йолға қойидиғанлиқини билдүргән. Шундақла, мәзкүр йеңи бәлгилимә пуқраларниң диний әркинлики вә кишилик һоқоқиға техиму яхши капаләтлик қилиду дәп көрсәткән иди.

Әмма франсийә ахбарат агентлиқиниң анализчиларниң сөзини нәқил кәлтүришичә, мәзкүр йеңи бәлгилиминиң роһида һичқандақ өзгириш болмиған. Йәни, униңда дөләт мәнпәәтиниң һәммидин юқирилиқи тәкитлинип, диний ишларниң чоқум дөләт мәнпәәтигә уйғун келиши көрситилгән. Униңда йәнә, хитай һөкүмитигә тизимға алдурмиған диний гуруппиларға қаритилған җазаниң күчәйтилидиғанлиқи изаһланған. Анализчиларниң көрситишичә, бу әмилийәттә хитай һөкүмитиниң диний ишларға болған назарәтни күчәйтидиғанлиқидин дерәк беридикән.

Буниңдин бир ай илгири, америкидики хиристиян тәшкилати болған хитайға ярдәм бериш җәмийитиму, хитай һөкүмитиниң пүтүн дөләт миқясида динсизлиқ тәрбийисини күчәйтип, динниң тарқилишиниң алдини елиш һәққидә мәхпий һөҗҗәт чүшүргәнликини паш қилған иди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.