Xitayda déng shyawping tughulghanliqining 100 yilliqi daghdugha bilen xatirilendi


2004.08.22
Share on WhatsApp
Share on WhatsApp

Xitayning her qaysi jaylirida shenbe küni déng shyawping tughulghanliqining 100 yilliqi daghdugha bilen xatirilendi.

Xitay dölet re'isi xu jintaw, xitay merkizi herbiy ishlar komitétining re'isi jyang zéminlarni öz ichige alghan xitay kompartiyisi we hökümitining yuqiri derijilik rehberliri, shenbe küni béyjingda ötküzülgen "déng shyawping" namidiki edebiyat sen'et kéchilikige ishtirak qildi. Xitay dölet re'isi xu jintaw, déng shyawpingni xitay iqtisadi islahatinining bash layihiligüchisi dep maxtighan.

Déng shyawpingning pénsiyige chiqqandin kéyin barliq wezipisidin ayrilghanliqi, déng shyawpingni xatirilesh pa'aliyiti jeryanida alahide tekitlen'gen. Küzetküchiler, xitay kompartiyisi 4 - ewlad rehberliri déng shyawping tughulghanliqining 100 yilliqini alahide xatiriligenliki, xu jingtaw bashchiliqidiki 4 - ewlat rehberler bilen jyang zémin otturisidiki munasiwetning intayin ötkürlikini körsitidu dep perez qilmaqta. Jyang zémin hazirqi xitay qoralliq qisimlirining rehberlik hoquqidin waz kechmigen. Xitay siyasi sehnisining perde arqisidiki eng küchlik adem dep qarilidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.