Хитайда бир йилда 2 миңдәк христиан қамалған


2006.06.27

Мәркизи америкидики хитайға ярдәм тәшкилати, хитай һөкүмитиниң өткән бир йил мабәйнидә 2000 әтрапида христиан мухлисни тутқун қилғанлиқини билдүрди.

Хитайға ярдәм тәшкилатиниң сәйшәнбә күни елан қилған баянатида ашкарилишичә, хитай һөкүмити 2005‏- йили май ейидин 2006‏- йили май ейиғичә болған бир йил ичидә хитайниң 15 өлкисидә йошурун паалийәт елип бериватқан христиан чиркавлирида ибадәт қилған 1958 кишини тутуп қамиған.

Хитайға ярдәм тәшкилатиниң баянатида ейтилишичә, хитай сақчилири вә диний ишлар комитети хадимлири, христиан муритлириниң йошурун чиркавларда елип барған ибадәтлирини қаттиқ қоллуқ билән бастуруп, ибадәт қилғучиларни қийнап, урған.

Баянатта, хитай сақчилири тәрипидин тутулған христан мухлислириниң қаттиқ тән җазасиға учриғанлиқи, 72 яшлиқ вә 21 яшлиқ икки аял мухлисниң сақчилар тәрипидин қипялиңач сорақ қилинғанлиқи билдүрүлгән.

Лекин, франисйә агентлиқиниң хәвәр қилишичә, хитайға ярдәм тәшкилатиниң баянатида оттуриға қоюлған мәсилиләргә җаваб қайтурушни рәт қилған хитай дөләтлик диний ишлар идариси, христиан мухлислириниң сақчилар тәрипидин тутулғанлиқидин хәвәрсиз икәнликини билдүргән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.