Xitayda bir yilda 2 mingdek xristi'an qamalghan

Merkizi amérikidiki xitaygha yardem teshkilati, xitay hökümitining ötken bir yil mabeynide 2000 etrapida xristi'an muxlisni tutqun qilghanliqini bildürdi.

Xitaygha yardem teshkilatining seyshenbe küni élan qilghan bayanatida ashkarilishiche, xitay hökümiti 2005‏- yili may éyidin 2006‏- yili may éyighiche bolghan bir yil ichide xitayning 15 ölkiside yoshurun pa'aliyet élip bériwatqan xristi'an chirkawlirida ibadet qilghan 1958 kishini tutup qamighan.

Xitaygha yardem teshkilatining bayanatida éytilishiche, xitay saqchiliri we diniy ishlar komitéti xadimliri, xristi'an muritlirining yoshurun chirkawlarda élip barghan ibadetlirini qattiq qolluq bilen basturup, ibadet qilghuchilarni qiynap, urghan.

Bayanatta, xitay saqchiliri teripidin tutulghan xrist'an muxlislirining qattiq ten jazasigha uchrighanliqi, 72 yashliq we 21 yashliq ikki ayal muxlisning saqchilar teripidin qipyalingach soraq qilin'ghanliqi bildürülgen.

Lékin, franisye agéntliqining xewer qilishiche, xitaygha yardem teshkilatining bayanatida otturigha qoyulghan mesililerge jawab qayturushni ret qilghan xitay döletlik diniy ishlar idarisi, xristi'an muxlislirining saqchilar teripidin tutulghanliqidin xewersiz ikenlikini bildürgen. (Qanat)