Xitayda xrist'anlar qolgha élin'ghanlarning qoyup bérilishi üchün ashliq élan qilmaqchi boldi

Fransiye axbarat agéntliqining xewer qilishiche, sherqiy xitayda nechche ming xrist'an muriti qolgha élin'ghan xrsit'anlarning qoyup bérilishini telep qilip ashliq élan qilish chaqiriqi élan qilghan.

Yéqinda xitay da'iriliri xangjuning shyawshen rayonida bir chérkawni chéqiwitishke qarshi turghan xrist'an muritliridin 50 nechche kishini tutqun qilghan idi. Xrist'an muritliri bu heqtiki bir bayanatida " biz barliq er - ayal qérindashlirimizni ashliq élan qilip, tutqun qilin'ghanlar kishiler üchün du'a - tilawet qilishqa chaqirimiz" deydu.

Merkizi xongkongdiki xitay kishilik hoquq we démokratiye uchur merkizining élan qilishiche, ötken shenbe küni xangjuning shyawshen rayonida bir chérkawni chéqiwetmekchi bolghan 500 dek saqchi bilen, bu chérkawda ibadet qilidighan 3000 dek xrist'an muriti arisida toqunush yüz bergen. Toqunushta 4 adem éghir derijide yarilan'ghan idi

. Hökümetning " xangju géziti" weqeni " az sandiki yaman gherezlik bir türküm kishiler küshkürtüp peyda qilghan" dep eyiblidi. Saqchi terep chéqiwetmekchi bolghan chérkawni hökümet we diniy ishlar idarisining ruxsitini almighan chéqiwitishke tégishlik " qanunsiz qurulush" dep élan qildi.

Xelq'ara kishilik hoquq teshkilatliri junggo hökümitini puqralarning diniy erkinlik hoquqigha izchil ziyankeshlik qilish bilen eyiblep kelgen. Lékin xitay da'iriliri bu eyibleshni ret qilmaqta. (Erkin)