Хитай йәр асти диний тәшкилат әзалиридин 15 кишигә мәхпи өлүм җазаси бәрди

Бирләшмә агентлиқиниң бейҗиңдин хәвәр қилишичә, хейлуңҗяң өлкисидики 'сәнбәнпурин' дегән аиливий дини тәшкилатниң муртлири сәндуң, җяңши, сичуән қатарлиқ 7 өлкигә тәрәққи қилип сани 500 миңға йәткәндә, хитай җамаәт хәвпсизлик миниситирлиқи 2004 ‏- йили бу тәшкилатниң 20 нәпәр әзаси үстидин 'адәм өлтүргән', 'алдамчилиқ қилған' дегән җинайи нам билән сотқа шикайәт сунған.

Хәвәрдә баян қилинишичә, гәрчә хейлуңҗяңдин 20 нәччә адвокат бейҗиңгә келип бу тәшкилатни ақлап келиватқан болсиму, әмма һазирға бу динй тәшкилатниң әзалиридин юшурун һалда өлүм җазасиға һөкум қилип иҗра қилинған адәм сани 15 кә йәткән. Хейлуңҗяң өлкиси шуаңяңсән шәһәрлик оттура сотниң бу диний тәшкилатниң әзалири үстидин чиқарған һөкүмлири буйил 10 ‏- айниң 17 ‏- күнидин 19 ‏- күнигичә, хейлуңҗяң өлкилик алий сот мәһкимиси тәрипидин қайтидин қарап чиқилған болсиму йәнила өзгириш болмиған.

Хәвәрдә баян қилинишичә, хитай коммунистик партийисиниң контроллуқидики католик вәтәнпәрвәрләр тәшкилати тәрипидин 'қанунсиз йәр асти тәшкилат ' дәп қариливатқан рим папасиға чуқунидиған диний тәшкилатларниң әзалири һазир хитайда 12 милйонға йәтти. Хитай коммунист һөкүмити өзи етирап қилмайдиған христан тәшкилатлириниң һәммисини изчил һалда бастуруп кәлмәктә.(Вәли)