Хаңҗода сәккиз нәпәр християн попи җазаланди

Б б с агентлиқиниң учуридин мәлум болушичә, христианларниң роҗдество байрими йетип келиш һарписида йәни 23-декабир күни хаңҗу шәһиридә сәккиз нәпәр християн мурити зораванлиқ пәйда қилмақчи болған, қанунға арилашқан дегәндәк җинайәтләр билән әйиблинип, бир йилдин үч йилғичә қамақ җазасиға һөкүм қилинған.

Мәзкур сәккиз нәпәр християн мурити бу йил 7-айда хаңҗу шәһириниң даң шән йезисида қурулуватқан бир черковни бузувәткили кәлгән сақчилар билән тоқунушуш җәрянида қолға елинған,әмма уларниң йәттә нәпириниң бу тоқунушқа қатнашмиғанлиқи билдүрүлмәктә. Әйни вақитта 500 нәпәр сақчи йеңи ясиливатқан черковни бузуветиш үчүн кәлгән болуп, буниңға 3000 дин артуқ християн мурити қарши чиқип сақчилар билән тоқунушқан иди.

Учурлардин қариғанда, хитай даирилири йеқиндин буян християн дини тарқатқучиларға болған контроллуқниму күчәйтишкә башлиған болуп, християн дини хитайда тез тарқалмақта икән. Християн дини асаслиқи ғәрб тәсирини қобул қилған яш әвладлар, зиялийлар һәм йеңи байлар тәбиқиси арисида йилтиз тартишқа башлиған икән. (Үмидвар)