Gu'angshidiki déhqanlarning pilanliq tughutqa qarshi qozghilingi saqchilar teripidin basturuldi
2007.05.22
Xongkong metbu'atlirida bérilgen xewerdin melum bolushiche, gu'angshi bobey nahiyisidiki déhqanlarning 5 - ayning 17 - künidin bashlap dawamlishiwatqan hökümetning pilanliq tughut siyasitige qarshi qozghilingi tünügün saqchilar teripidin basturulghan bolup, 200 ge yéqin adem qolgha élin'ghan.
Xewerdin melum bolushiche, düshenbe küni yeni 21 - may yerlik hökümet da'iriliri mezkur topilangni basturush üchün, 3000 din artuq saqchini ishqa salghan. Lékin, yerlik hökümet da'iriliri bu heqtiki uchurlarning metbu'atta élan qilinishini pütünley chekligen hetta intérnét tor betliridiki munazire meydanlirida bolghan munasiwetlik gep -sözlernimu pütünley öchürüp tashlighan.
Xongkong kündilik gézitide bérilgen bu heqtiki melumatta körsitilishiche, yerlik hökümetning pilanliq tughut siyasitige qattiq narazi bolghan gu'angshi bobey nahiyisidiki déhqanlarning bu qétimqi qozghilingida, yerlik hökümet pilanliq tughut ishxanisi we uning etrapidiki aptomobillargha ot qoyup bérilgen؛ shuning bilen hökümet 20 - chisladin buyan, bobey nahiyisi etrapidiki güygang, béy lyu, we rungshen qatarliq nahiyilerdin köplep saqchi yötkeshke bashlighan.
Bobey nahiyiside turushluq chin famililik bir déhqanning melum qilishiche, hazir bobey nahiyiside, pütün yerge" yoqalsun bobey nahiyilik partkom sékritari su jyenjung," we " bobey nahiye bashliqi xu'ang shawmingni ölümge höküm qilish kérek " dégendek lozunkilar chaplan'ghan iken.
Bobey nahiyisidiki chin famililik bu déhqan sözide yene" gerche bu qétimqi qozghilang saqchilar teripidin basturulghan bolsimu, kishiler qelbidiki ghezep oti téxi öchkini yoq, anglisam xelqning ghezipidin chöchigen nahiyilik partkom sékritari qatarliq bir nechche emeldar déhqanlarning qoligha chüshüp qélishtin ensirep,yaqa yurtlargha qéchip kétiptu " dep bildürgen. (Méhriban)
Munasiwetlik maqalilar
- Xitayda minglighan amma "pilanliq tughut siyasiti "ge qarshi namayish qildi
- Asiya döletliridiki ishchilar, 1 - may emgekchiler bayrimi küni namayishlar ötküzdi
- Xitaydiki jinsiy tengpungsizliq we jemiyet zorawanliqining menbesi
- Chongching shehride ayal ishchilar keng kölemlik naraziliq namayish élip bardi
- Xitayda yer-zémin dawasida toqunush yüz berdi
- Sherqi xitayda namayishchi amma bilen saqchilar arisida keskin toqunush boldi
- Xunenning yungju shehiridiki topilangni basturush buyruqini kim chüshürdi ?
- Xitayda yüz bergen zorawanliq tüsini alghan namayish basturuldi