Хитай америка ташқи ишлар министирлиқиниң әйиблишини рәт қилди


2005.03.01
Share on WhatsApp
Share on WhatsApp

Хитай һөкүмити сәйшәнбә күни баянат елан қилип, америка ташқи ишлар министирлиқиниң кишилик һоқуқ доклатидики әйипләшләрдин интайин нарази болғанлиқини билдүрди һәмдә америкидин кишилик һоқуқтин пайдилинип, хитайниң ички ишлириға арилишишни тохтитишни тәләп қилди.

Америка ташқи ишлар министирлиқи дүшәнбә күни һәр қайси дөләтләрниң 2004 - йиллиқ кишилик һоқуқ доклатини елан қилип, хитайниң хәлқара террорчилиққа қарши көрәштин пайдилинип, уйғур өктичилирини бастуриватқанлиқини әйиплигән, шундақла униң давамлиқ түрдә пуқралириниң кишилик һоқуқини дәпсәндә қиливатқанлиқини көрсәткән. Доклатта йәнә хитай һөкүмитиниң һөкүмәтни очуқ- ашкара тәнқид қилған пуқраларни қанун сиртида өлтүрүш, қийин - қистаққа елиш қатарлиқ һәр хил усуллар билән җазалаватқанлиқи тилға елинған.

Хитай ташқи ишлар министирлиқиниң баянатчиси лию җийәнчав баянатида, " биз бу доклатқа қәтий наразилиқ вә қаршилиқ билдүримиз. Америка һөкүмити хитайниң ички ишлириға арилишишни тохтутуп, өзиниң дөләт ичидики кишилик һоқуқ мәсилисигә диққәт қилсун" дәп билдүрди. Лию җәнчав йәнә, хитайниң кишилик һоқуқ саһәсидә зор илгириләшләрни қолға кәлтүргәнликини тәкитлиди һәмдә америкиниң кишилик һоқуқ доклатиниң икки тәрәп мунасивитини яхшилашқа вә икки тәрәп кишилик һоқуқ диалогини күчәйтишкә пайдисиз икәнликини көрсәтти. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт