Xitay amérika tashqi ishlar ministirliqining eyiblishini ret qildi
2005.03.01
Xitay hökümiti seyshenbe küni bayanat élan qilip, amérika tashqi ishlar ministirliqining kishilik hoquq doklatidiki eyipleshlerdin intayin narazi bolghanliqini bildürdi hemde amérikidin kishilik hoquqtin paydilinip, xitayning ichki ishlirigha arilishishni toxtitishni telep qildi.
Amérika tashqi ishlar ministirliqi düshenbe küni her qaysi döletlerning 2004 - yilliq kishilik hoquq doklatini élan qilip, xitayning xelq'ara térrorchiliqqa qarshi köreshtin paydilinip, Uyghur öktichilirini basturiwatqanliqini eyipligen, shundaqla uning dawamliq türde puqralirining kishilik hoquqini depsende qiliwatqanliqini körsetken. Doklatta yene xitay hökümitining hökümetni ochuq- ashkara tenqid qilghan puqralarni qanun sirtida öltürüsh, qiyin - qistaqqa élish qatarliq her xil usullar bilen jazalawatqanliqi tilgha élin'ghan.
Xitay tashqi ishlar ministirliqining bayanatchisi liyu jiyenchaw bayanatida, " biz bu doklatqa qet'iy naraziliq we qarshiliq bildürimiz. Amérika hökümiti xitayning ichki ishlirigha arilishishni toxtutup, özining dölet ichidiki kishilik hoquq mesilisige diqqet qilsun" dep bildürdi. Liyu jenchaw yene, xitayning kishilik hoquq saheside zor ilgirileshlerni qolgha keltürgenlikini tekitlidi hemde amérikining kishilik hoquq doklatining ikki terep munasiwitini yaxshilashqa we ikki terep kishilik hoquq di'alogini kücheytishke paydisiz ikenlikini körsetti. (Arzu)
Munasiwetlik maqalilar
- Amérika tashqi ishlar ministirliqi yilliq kishilik hoquq doklatini élan qildi
- Amérika kishilik hoquq doklatida xitayni tenqid qilishi mumkin
- Xelq'ara kechürüm teshkilati xitayning chaghan aldida 200 kishini atqanliqini eyiplidi
- Xitay hökümiti jorj bushning nutuqigha éhtiyatchanliq bilen inkas qayturdi