Доң җйәнхуа хизмитидин истипа бәрмәкчи


2005.03.02

Хоңкоңда енглизчә чиқидиған бир гезит чаршәнбә күни, хоңкоң алаһидә мәмурий район башлиқи доң җйәнхуаниң мәркизи бейҗиң һөкүмитигә, хизмитидин истипа бериш илтимасини сунғанлиқини хәвәр қилди.

Хәвәрдә көрситилишичә, доң җйәнхуа илтимас хетидә, тән-саламәтликиниң яхши болмаслиқи вә хизмәт бесиминиң барғансери ешиши сәвәбидин хизмитидин истипа беришни ойлашқанлиқини көрсәткән. Әмма, доң җйәнхуа өзи истипа бериш мәсилисигә җаваб беришни рәт қилди.

Франсийә ахбарат агентлиқи хәвиридә, доң җйәнхуаниң йеқинда хитай мәмликәтлик сиясий кеңәшниң муавин рәисиликигә намзатлиққа көрситилгәнликини мәлум қилди.

Көп қисим хоңкоң хәлқи доң җйәнхуаниң истипа бериш хәвирини қарши алған. Америка бирләшмә агентлиқиниң зияритини қобул қилған бир хоңкоңлуқ, " доң җйәнхуа өткән 7 йилдин бери һечқандақ нәтиҗә һасил қилмиди. Шуңа униң истипа бериш хәвири биз үчүн хуш хәвәр. Әмма бу йәрдики яман хәвәр, униң айиқини кимниң кийиши" дәп билдүрди. (Пәридә)

© 2005 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.