Dong jyenxu'a xizmitidin istipa bermekchi

Xongkongda én'glizche chiqidighan bir gézit charshenbe küni, xongkong alahide memuriy rayon bashliqi dong jyenxu'aning merkizi béyjing hökümitige, xizmitidin istipa bérish iltimasini sun'ghanliqini xewer qildi.

Xewerde körsitilishiche, dong jyenxu'a iltimas xétide, ten-salametlikining yaxshi bolmasliqi we xizmet bésimining barghanséri éshishi sewebidin xizmitidin istipa bérishni oylashqanliqini körsetken. Emma, dong jyenxu'a özi istipa bérish mesilisige jawab bérishni ret qildi.

Fransiye axbarat agéntliqi xewiride, dong jyenxu'aning yéqinda xitay memliketlik siyasiy kéngeshning mu'awin re'isilikige namzatliqqa körsitilgenlikini melum qildi.

Köp qisim xongkong xelqi dong jyenxu'aning istipa bérish xewirini qarshi alghan. Amérika birleshme agéntliqining ziyaritini qobul qilghan bir xongkongluq, " dong jyenxu'a ötken 7 yildin béri héchqandaq netije hasil qilmidi. Shunga uning istipa bérish xewiri biz üchün xush xewer. Emma bu yerdiki yaman xewer, uning ayiqini kimning kiyishi" dep bildürdi. (Peride)