Dong songrüy weqesini "toqulma" dégen "ammiwi kino" zhurnili herbiylerning ghezipini qozghidi

"Ammiwi kino " zhurnili, junggoda xelq qehrimani, dep nam bérilgen dong sünrüyning ichki urush dewride mina pilikini qoli bilen tartip partilatqanliqi toghrisidiki weqe perez bilen otturigha qoyulghan toqulma, dep yazghandin kéyin, bu xitay herbiy da'irilirining ghezipini qozghidi.

"Ammiwi kino" zhurnilining 8 - sanida " dong sünrüy" dégen kino filimining rézhissori gu wéy, dong sünrüyning partlatquch bomba pilikini qoli bilen tartip partlatqanliqi toghrisidiki hikayini, "bezi mish-mish geplerge asasen perez boyiche toqup chiqirilghan," deydu. Gu wéyning tekitlishiche, bu perezni eyni chaghda urushtin kéyin bezi herbiy mutexessisler otturigha qoyghan.

Dong sünrüy, kompartiye junggoda hakimiyetning tartiwalghandin az kem 60 yildin béri béri kishiler arisida "xelq qehrimani" dep teriplinip kelmekte idi.

Xitayning resmiy teshwiqat matiryallirida 1947- yili gomindang qoshuni bilen bolghan bir istihkam urushta dong sünrüyning düshmen istihkamini partiltish üchün özini qurban qilghanliqini ilgiri sürmekte idi.

"Azadliq armiye " géziti, " ammiwi kino" zhurnilini eyibligen. Herbiyler "ming kishilik xitabnamisi" élan qilip, dong sünrüyni qelbimizdiki qehriman, dep maxtidi we "ammiwi kino" zhornilining epu sorishini telep qildi. Xongkong metbu'atliri bolsa "ammiwi kino" zhurnilining teqdiri we tertipke sélinishidin ensirimekte.

"Eynek " géziti obzor élan qilip, junggo da'iriliridin söz erkinlikige hörmet qilishni we "ammiwi kino" zhurnilini tertipke salmasliqni telep qilghan. (Erkin)