Хәлқара кишилик һоқуқ җәмийәтлири: дуңҗу вәқәсидә өлгәнләр 30 дин ашиду


2006.01.13

Бир хәлқара кишилик һоқуқ тәшкилати җүмә күни доклат елан қилип, өткән йили 12 - айда хитайниң гуаңдуң өлкиси доңҗу йезисида намайиш қилған деһқанларға оқ чиқириш вәқәсидә 30 дин артуқ пуқраниң өлгәнликини елан қилди.

Җоңго кишилик һоқуқ қоғдиғучилар тәшкилати" дуңҗу қирғинчилиқи дуңҗу пуқралириға қарши елип берилған мәқсәтлик өлтүрүш һәрикити. Бу вәқә йәрлик һөкүмәт даирилири тәрипидин пиланлиқ вә тәшкиллик елип берилған" дәйду. Өткән йили 6 - декабирда дуңҗу пуқралири йәрлик даириләр билән болған йәр - земин маҗирасида електр истансиси қурулушиға нарази болуп намайиш қилған. Қораллиқ сақчилар намайишчиларға оқ чиқарған иди. Һөкүмәт даирилири вәқәдә 3 адәм өлгәнликини етирап қилди. Әмма йеза пуқралири үлгән пуқраларниң 30 дин ашидиғанлиқини билдүргән.

Җоңго кишилик һоқуқ қоғдиғучилар тәшкилати, дуңҗуда тәкшүрүш елип берип, өлгән пуқраларниң 30 дин ашидиғанлиқини җакарлиди. Мәзкур тәшкилатниң тәкитлишичә, намайишчилар вәқә җәрянида сақчиларға тәһдит салидиған һечқандақ һәрикәтләрдә болмиған шундақла сақчи тәрәптин яриланғанларму йоқ икән.

Җуңго кишилик һоқуқ қоғдиғучилар тәшкилати, хитай даирилирини намайишчиларға зораванлиқ вастилири ишлитиштин сақлинишқа чақирди. Хитай даирилири даим намайишчиларға зораванлиқ вастилар билән тақабил туруп кәлмәктә. Хитай һөкүмити буниңдин 9 йил илгири 5- феврал күни ғулҗа яшлириниң адәттики бир намайишини қораллиқ күчләр билән бастурған. (Әркин)

© 2006 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.