Xelq'ara kishilik hoquq jem'iyetliri: dungju weqeside ölgenler 30 din ashidu


2006.01.13

Bir xelq'ara kishilik hoquq teshkilati jüme küni doklat élan qilip, ötken yili 12 - ayda xitayning gu'angdung ölkisi dongju yézisida namayish qilghan déhqanlargha oq chiqirish weqeside 30 din artuq puqraning ölgenlikini élan qildi.

Jonggo kishilik hoquq qoghdighuchilar teshkilati" dungju qirghinchiliqi dungju puqralirigha qarshi élip bérilghan meqsetlik öltürüsh herikiti. Bu weqe yerlik hökümet da'iriliri teripidin pilanliq we teshkillik élip bérilghan" deydu. Ötken yili 6 - dékabirda dungju puqraliri yerlik da'iriler bilen bolghan yer - zémin majirasida éléktr istansisi qurulushigha narazi bolup namayish qilghan. Qoralliq saqchilar namayishchilargha oq chiqarghan idi. Hökümet da'iriliri weqede 3 adem ölgenlikini étirap qildi. Emma yéza puqraliri ülgen puqralarning 30 din ashidighanliqini bildürgen.

Jonggo kishilik hoquq qoghdighuchilar teshkilati, dungjuda tekshürüsh élip bérip, ölgen puqralarning 30 din ashidighanliqini jakarlidi. Mezkur teshkilatning tekitlishiche, namayishchilar weqe jeryanida saqchilargha tehdit salidighan héchqandaq heriketlerde bolmighan shundaqla saqchi tereptin yarilan'ghanlarmu yoq iken.

Junggo kishilik hoquq qoghdighuchilar teshkilati, xitay da'irilirini namayishchilargha zorawanliq wastiliri ishlitishtin saqlinishqa chaqirdi. Xitay da'iriliri da'im namayishchilargha zorawanliq wastilar bilen taqabil turup kelmekte. Xitay hökümiti buningdin 9 yil ilgiri 5- féwral küni ghulja yashlirining adettiki bir namayishini qoralliq küchler bilen basturghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.