Kishilik hoquqni közitish teshkilati xitayni dungju weqesi üstidin tekshürüsh élip bérishqa chaqirdi

• 
  2006-06-02

Merkizi nyu - yorktiki kishilik hoquqni közitish teshkilati xitay da'irilirini 2005 - yili 12 - ayda yüz bergen dungju weqesi üstidin tekshürüsh élip bérishqa chaqirdi.

2005 - Yili 12 - ayning 6 - küni gu'angdungning shenwéy shehiri dungju kentide, bu kentke éléktir istansisi qurush pilanigha qarshi chiqqan puqralar bilen saqchilar ottorisida toqunush yüz bergen we saqchilar puqralargha oq chiqirip az dégende 3 kishini étip öltürgen idi. Weqedin kéyin oq chiqarghan saqchilargha xizmitidin élip tashlash yaki agahlandurush qatatliq memuriy jaza bérildi. Lékin shuning bilen birge 13neper dungju kenti puqrasi 3 yildin 7 yilghiche qamaq jazasigha höküm qilin'ghan.

Kishilik hoquqni közitish teshkilatining eskertishiche, junggo da'irilirining bu weqeni bir terep qilish usuli mesilini yépiwétishni meqsed qilghan. Kechürüm teshkilati, " da'iriler weqening heqiqiy ehwali we tepsilatini jem'iyetke élan qilish niyitide bolup baqmidi. Bu , kishilerning junggo qanunining adalitige bolghan gumanini qozghimaqta "deydu.

Dungju weqesi xitay saqchiliri puqralargha oq chiqarghan birdin bir weqe emes. Yéqinda xitay da'iriliri Uyghur aptonom rayoninining ghulja shehiride qora jayidin köchüshni ret qilghan nurexmet isimlik bir Uyghurni we uning ayalini yéngi hayat türmisige solap qoyghan. Nur'exmetning 20 yashlardiki abdukérim isimlik oghligha oq chiqirip uning köyüp kitishige sewebchi bolghan. (Erkin)