Dunya bankisi xitaygha béridighan yardem pulini toxtatmaydighanliqini bildürdi


2005.10.18

Dunya bankisining bashliqi pa'ol wolfuwétis, gerche xitayning iqtisadi tiz tereqqiy qiliwatqan bolsimu, biraq dunya bankisining xitaygha béridighan yardem pulini toxtatmaydighanliqini bildürdi.

Wolfowitis seyshenbe küni béyjingdiki heptilik ziyaritini axirlashturushning harpisida, dunya bankisining xitaygha yardem pulini toxtatmasliq qararini aqlap, dunya bankisining yardem pulining xitaydiki nechche milyon puqraning namratliqtin qutulushigha yardimi bolidighanliqini körsetti.

Bir qisim tenqidchiler buning aldida, xitay nechche milyard dollar pul xejlep, alem uchquchiliq ishlirini élip baralighan yerde yene néme üchün yardemge muhtaj bolidighanliqigha so'al qoyghan. Wolfowitisning bildürüshiche, xitay yenila dunyadiki namratlar sani köp ikkinchi dölet bolup, dunya bankisighimu qerzi eng köp dölet hésablinidiken.

Wolfowitis bu qétimqi sepiride xitayda échilghan tereqqiy qiliwatqan döletlerning bir yighinigha qatnashqan hemde dunya bankisining gensu ölkisidiki yardem programmlirini közdin kechürgen idi.

Ilgiri amérikining mu'awin dölet mudapi'e minsitirliq wezipisini ötigen wolfowits shundaqla yene, xitayning hazirqi iqtisadiy tereqqiyatni saqlap qélish üchün, puqralargha köprek hoquq bérishi kéreklikini körsetti. U xelqning hoquqi étirap qilin'ghan, qanun bilen bashqurulghan bir jem'iyetning, iqtisadiy tereqqiyatta intayin muhim rol oynaydighanliqini tekitlidi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.