Хитай әмгәк билән өзгәртиш системисини ислаһ қилиши мумкинликини билдүрди

Хитай һөкүмити сәйшәнбә күни хәлқара җәмийәтниң әйиблишигә учрап келиватқан әмгәк билән өзгәртиш системисини ислаһ қилиши мумкинликини билдүрди.

Франсийә ахбарат агентлиқиниң билдүрүшичә, хитай ташқи ишлар министирлиқиниң баянатчиси лю җәнчав, " әмгәк билән өзгәртиш системиси пуқраларниң қилмишлирини яхшилашта муһим рол ойнап кәлмәктә. Бирақ һәр қандақ система вәзийәтниң өзгириши билән өзгириши керәк" дегән.

У йәнә, хитай даирилириниң әмгәк билән өзгәртиш системисини қандақ ислаһ қилишни музакирә қиливатқанлиқини билдүргән.

Лю җәнчав бу сөзни, б д т халиғанчә тутқун қилишқа қарши хизмәт гурупписи мәхсус доклат елан қилип, хитайдики әмгәк билән өзгәртиш системисини қаттиқ тәнқид қилғандин кийин ейтқан.

Хитайдики әмгәк билән өзгәртиш системиси, сақчиларға пуқраларни сотлимастин үч йилғичә тутуп туруш һоқуқини бәргән болуп, хитайниң кишилик һоқуқ хатирисидики еғир мәсилиләрниң бири санилип кәлмәктә иди. (Арзу)