Xitay emgek bilen özgertish sistémisini islah qilishi mumkinlikini bildürdi

Xitay hökümiti seyshenbe küni xelq'ara jem'iyetning eyiblishige uchrap kéliwatqan emgek bilen özgertish sistémisini islah qilishi mumkinlikini bildürdi.

Fransiye axbarat agéntliqining bildürüshiche, xitay tashqi ishlar ministirliqining bayanatchisi lyu jenchaw, " emgek bilen özgertish sistémisi puqralarning qilmishlirini yaxshilashta muhim rol oynap kelmekte. Biraq her qandaq sistéma weziyetning özgirishi bilen özgirishi kérek" dégen.

U yene, xitay da'irilirining emgek bilen özgertish sistémisini qandaq islah qilishni muzakire qiliwatqanliqini bildürgen.

Lyu jenchaw bu sözni, b d t xalighanche tutqun qilishqa qarshi xizmet guruppisi mexsus doklat élan qilip, xitaydiki emgek bilen özgertish sistémisini qattiq tenqid qilghandin kiyin éytqan.

Xitaydiki emgek bilen özgertish sistémisi, saqchilargha puqralarni sotlimastin üch yilghiche tutup turush hoquqini bergen bolup, xitayning kishilik hoquq xatirisidiki éghir mesililerning biri sanilip kelmekte idi. (Arzu)