Gensu siyasiy- qanun bashqarmilirida töt mingdin artuq kishi jazagha uchridi


2006.12.10

Xitayning gensu ölkilik hökümetning -9 dékabir axbarat élan qilish yighinidin igilishimizge qarighanda, bu bir yil jeryanida gensu ölkisidiki her qaysi derijilik siyasiy- qanun komitétlirida jem'iy 4735 kishi memuriy hemde qanuniy jazagha uchrighan. Uning arisida 39 kishining jinayi qilmishi bolghachqa, ediliye tarmaqlirigha tapshurulghan.

Gensu ölkilik siyasiy- qanun komitétining mu'awin bashliqi sey bawshinning, axbarat élan qilish yighinda tonushturishigha qarighanda, 2005 - yilidin bashlap bu yil 6 - ayghiche bolghan ariliqta, gensu ölkisidiki her qaysi derijilik siyasiy- qanun bashqarmilirida jem'iy 861 kishining xizmet jeryanida qanun'gha xilapliq qilghanliqi pash bolghan, ular xizmet jeryanida hökümet matériyallirini ruxsetsiz özgertish, hemde höküm élan qilinmay turup jaza élan ilish qatarliq qilmishlargha chétishliq iken.

Nöwette xitayda partiye hökümet ichidila qanun'gha xilapliq qilish ehwalliri éghir bolupla qalmay, qanun ijra qilidighan yuqiri derijilik organ xadimliriningmu, qanun'gha éghir derijide xilapliq qilish qilmishliri xitay puqralirining hökümetke bolghan naraziliqini ashurmaqta. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.