Xitayning alem kéme teshwiqati dölet ichidiki jiddiylikni peseytishni meqset qilghan

Xitay kommunist rehberliri charshenbe küni ademlik alem kémisini alem boshluqigha qoyup bérish jeryanini dölet miqyasida daghdugha bilen teshwiq qildi.

Amérikidiki dangliq washin'gton pochta gézitining peyshenbe künidiki xewiride éytilishiche, nurghun xirajet ketken bu alem kémisi programmisi xitay rehberliri üchün muhim qurulushlarning biri. Xitay rehberliri buni teshwiq qilish arqiliq puqralarning milletchilik rohini kötirip, dölet ichidiki chériklik we bay- kembeghellik perqining zoriyishidin kélip chiqqan xelq naraziliq keypiyatlirini peseytmekchi bolghan.

Xitay da'iriliri "muqeddes kéme 6 - belgilik" ademlik alem kémisini charshenbe küni muweppiqiyetlik halda alem boshluqigha qoyup bergen idi. Uning qoyup bérilishining pütün jeryani xitay téléwizorlirida neq meydandin bérilip, dölet miqyasida uni körüsh dolquni kötürüldi.

Bu xitayning ademlik alem kémisini ikkinchi qétim qoyup bérishi. Tünji qétimliqi 2003 - yili öktebirde alem boshluqigha qoyup bérilgen idi. (Arzu)