Хитайниң аләм кемә тәшвиқати дөләт ичидики җиддийликни пәсәйтишни мәқсәт қилған

• 
  2005-10-13

Хитай коммунист рәһбәрлири чаршәнбә күни адәмлик аләм кемисини аләм бошлуқиға қоюп бериш җәрянини дөләт миқясида дағдуға билән тәшвиқ қилди.

Америкидики даңлиқ вашингтон почта гезитиниң пәйшәнбә күнидики хәвиридә ейтилишичә, нурғун хираҗәт кәткән бу аләм кемиси программиси хитай рәһбәрлири үчүн муһим қурулушларниң бири. Хитай рәһбәрлири буни тәшвиқ қилиш арқилиқ пуқраларниң милләтчилик роһини көтирип, дөләт ичидики чериклик вә бай- кәмбәғәллик пәрқиниң зорийишидин келип чиққан хәлқ наразилиқ кәйпиятлирини пәсәйтмәкчи болған.

Хитай даирилири "муқәддәс кемә 6 - бәлгилик" адәмлик аләм кемисини чаршәнбә күни мувәппиқийәтлик һалда аләм бошлуқиға қоюп бәргән иди. Униң қоюп берилишиниң пүтүн җәряни хитай телевизорлирида нәқ мәйдандин берилип, дөләт миқясида уни көрүш долқуни көтүрүлди.

Бу хитайниң адәмлик аләм кемисини иккинчи қетим қоюп бериши. Түнҗи қетимлиқи 2003 - йили өктәбирдә аләм бошлуқиға қоюп берилгән иди. (Арзу)