Xitay ottura asiyaning énérgiye we kan bayliqlirigha köz tikmekte


2005.07.25
Share on WhatsApp
Share on WhatsApp

"Amérika awazi radi'osi" ning xewer qilishiche, xitay ottura asiyadiki tesirini kéngeytip, mezkur rayondiki döletlerni xitay iqtisadi tereqqiyatini énérgiye we tebbiy bayliqlar teminat bazisi qilish üchün tirishmaqtiken.

Yéqinda xitayning mu'awin bash ministiri wu yi qazaqistan, tajikistan, özbékistan we türkmenistanlarni ziyaret qilip, énérgiye we tebi'iy bayliqlar hemkarliqi boyiche bir qatar kélishimlerge imza qoydi.

Wu yi özbékistandiki ziyariti jeryanida jonggo néfit ximiye sana'et shirkiti özbékistan bilen néfit sahesige besh yilda bir milyard dollar meblegh sélish kélishimi imzalighan. Bu jonggo néfit tebi'iy gaz shirkitining namen'gan, perghane we enjanlarda néfit qidirish meshghulatigha 600 milyon dollar meblegh sélish kélishimini öz ichige almaydu. "Amérika awazi radi'osi" ning tekitlishiche, bu xitayning enjan weqeside kérimof hökümitini qollighanliqining mukapatiken.

Xitay özbékistan bilen birge türkmenistan bilen qazaqistanlarning néfit tebi'iy gaz bayliqigha köz tikmekte. Wu yi türkmenistanni ziyaret qilghanda néfit we tebi'iy gaz hemkarliqining xitay üchün zor ehmiyiti barliqini tilgha aldi. U, qazaqistanda xitay - qazaqistan néfit turubisi we xitay néfit shirketlirining qazaqistan'gha meblegh sélish mesilisini muzakire qilip, xitay qazaqistanning dunya soda teshkilatigha kirishini qollaydu, dep tekitligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet