Xitay shirkitining éksan mobilni sétiwélish teklipi ret qilindi


2005-11-01
Share

Bir xitay shirkitining amérika néfdit shirkiti éksan mobilni 450 milyard dollargha ‎sétiwélish teklipi éksan mobil teripidin ret qilin'ghan. Éksan mobilni sétiwélishni telep ‎qilghan xitay shirkitining ismi king win lawrél bolup, mezkur shirket yéqinda amérika ‎aksiye we soda komitétigha éksan mobilni sétiwélish toghrisida iltimas sunup, éksan ‎mobilning her bir pay chékini 70 dollardin sétiwalidighanliqini bildürgen. Emma b b s ‎ning xewer qilishiche, éksan mobil, king win lawrél namliq xitay shirkitining "maliye ‎küchi" éksan mobilni sétiwélishqa yétidighanliqidin guman qilidiken. ‎

Éksan mobilning bayanatchisi, " biz king win lawrélning maliye küchi bu sodigha ‎yétidighanliqigha ishenmeymiz," dep tekitligen. Merkizi téksas shtatidiki éksan mobil ‎shirkiti dunya boyiche eng chong néfit shirketlirining biri. Éksan mobilning élan ‎qilishiche, mezkur shirket ötken pesilde 9 milyard 900 milyon dollar kirim qilghan. ‎

Iqtisadining tereqqiyati xitayning néfitke bolghan ihtiyajini kücheytmekte. Bu yilning ‎bashlirida jonggo déngiz okyan néfit shirkiti amérika yunikal néfit shirkitini 18 milyard ‎‎500 milyon dollargha sétiwalmaqchi bolghan idi. Emma amérika siyasi sahesidiki ‎zatlarning ning qarshi chiqishi astida yunikalni sétiwélishtin waz kechken. ‎

Közetküchilerning eskertishiche, xitay hökümitining king win lawrélni meblegh bilen ‎teminlesh ihtimalini chetke qaqqili bolmaydiken. Rotérs axbarat géntliqi, mezkur ‎shirketning tizimgha aldurghan adrési béyjingdin 50 kilométir yiraqliqtiki 20 qewetlik bir ‎binada ikenlikini bayqighan. (Erkin)‎

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet