Түркмәнистан русийә билән енергийә һәмкарлиқи паалийәтлирини башлиди


2006-01-23
Share

Түркмәнистан вә русийә, енергийә саһәсидә икки дөләт оттурисида мәвҗут һәмкарлиқини күчәйтиш тоғрисида бир келишим имзалиди.

Түркмәнистан президенти сәпәр мурат нязофниң русийә зиярити җәрянида имзаланған мәзкур келишим, икки дөләтниң тәбий газини дуня базарлириға бирликтә йөткәш қатарлиқ мәсилиләрниму өз ичигә алидикән.

Москвада русийә президенти путин билән учрашқан түркмәнистан президенти сәпәр мурат ниязоф, түркмәнистан яврупа вә дуняниң башқа җайлиридики енергийә мәсилисини бир тәрәп қилиш үчүн русийә билән һәмкарлишишқа тәйяр, деди.

Америка бирләшмә агентлиқиниң хәвәр қилишичә, русийә вә түркмәнистан рәһбәрлириниң йәнә қайси мәсилиләр үстидә сөһбәтләшкәнлики мәлум әмәс, лекин түркмәнистан президенти сәпәр мурат ниязоф, русийә тәбий газдин сиясий қорал сүпитидә пайдилинишқа урунуватқан бир мәзгилдә русийини зиярәт қиливатиду.

Бу айниң башлирида русийә, окраина билән келишәлмәслик түпәйлидин явропаға әвәтиватқан тәбий газини тохтатқан иди. Мутәхәссисләр русийиниң бу һәрикитиниң сиясий арқа көрүнүши барлиқини тәкитлимәктә.

Хәвәрләргә қариғанда, түркмәнистанда қаттиқ қоллуқ билән һакимийәт йүргүзүватқан президент ниязоф, април ейида хитай билән бирликтә бир тәбий газ турубиси ясаш келишимигә қол қоюш үчүн хитайни зиярәт қилидикән. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт