Türkmenistan rusiye bilen énérgiye hemkarliqi pa'aliyetlirini bashlidi

Türkmenistan we rusiye, énérgiye saheside ikki dölet otturisida mewjut hemkarliqini kücheytish toghrisida bir kélishim imzalidi.

Türkmenistan prézidénti seper murat nyazofning rusiye ziyariti jeryanida imzalan'ghan mezkur kélishim, ikki döletning teb'iy gazini dunya bazarlirigha birlikte yötkesh qatarliq mesililernimu öz ichige alidiken.

Moskwada rusiye prézidénti putin bilen uchrashqan türkmenistan prézidénti seper murat niyazof, türkmenistan yawrupa we dunyaning bashqa jayliridiki énérgiye mesilisini bir terep qilish üchün rusiye bilen hemkarlishishqa teyyar, dédi.

Amérika birleshme agéntliqining xewer qilishiche, rusiye we türkmenistan rehberlirining yene qaysi mesililer üstide söhbetleshkenliki melum emes, lékin türkmenistan prézidénti seper murat niyazof, rusiye teb'iy gazdin siyasiy qoral süpitide paydilinishqa urunuwatqan bir mezgilde rusiyini ziyaret qiliwatidu.

Bu ayning bashlirida rusiye, okra'ina bilen kélishelmeslik tüpeylidin yawropagha ewetiwatqan teb'iy gazini toxtatqan idi. Mutexessisler rusiyining bu herikitining siyasiy arqa körünüshi barliqini tekitlimekte.

Xewerlerge qarighanda, türkmenistanda qattiq qolluq bilen hakimiyet yürgüzüwatqan prézidént niyazof, april éyida xitay bilen birlikte bir teb'iy gaz turubisi yasash kélishimige qol qoyush üchün xitayni ziyaret qilidiken. (Qanat)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar