Xitaydiki eng chong néfit shirkiti hindistan we liwiyelerde néfit turuba liniyisi qurulushi élip baridighanliqini jakarlighan

Xitayning döletlik néfit shirkitining néfit turuba idarisi, hindistanda 1600 kilo métirliq gaz turuba liniyisi qurulushini bu yil yanwarda bashlighan. Uningdin bashqa liwiyedimu 7. 7 Kilométirliq turuba qurulushigha toxtam tüzgen. Lékin ular qanchilik meblegh kétidighanliqini ashkarlimighan. Xitay néfit shirketlerning che'ellergiche kéngiyshdiki sewep bolsa özining iqtisadi tereqqiyatigha lazimliq néfit we gaz menbelirini muqimlashturush iken.

Xitayning döletlik néfit shirkitining xadimi wang xu muxbirlargha "gerche shirkitimizning liwiyede quruwatqan turuba liniyisi qisqa bolsimu, lékin bu liwiyede kelgüsidiki mushuninggha oxshash qurulush qilidighan chong toxtam tüzüsh planimizning bir qisimi", deydu.

Xitay bu ayda liwiye néfit we gaz sana'itige meblegh salidighan xitay shirketliri baj kechurumige we bashqa righbetlendürüslege érishdighanliqini élan qilghan.

Uningdin bashqa, xitayning döletlik néfit shirkiti qurghan qazaqistanning atasu néfitlikidin Uyghur élining alataw éghizigha tutishidighan néfit turuba liniyisi 2006 yili shqa kirishtürülgen bolup 2010 yilghiche yilliqi toshush miqtadirini 20 milyon tonnigha yetküzüsh pilanliniwitiptu.

Yene xitayning bu shirkiti, Uyghur élining ürümchi shehridin lenjughiche 1859 kilo mitérliqi turuba liniyisini tamamlighan bolup, yene 8 milyard yu'en meblegh sélip, ékki turuba liniyisi qurup chiqidiken.

Bu turubilarning biri xam néfit toshushqa yen biri néfit mehsulatliri toshushqa ishlitilidighan bolup, her ikkilisi Uyghur élidiki tarim néfitlikidin maytaqqa we lenjugha ulinidiken.

Xitay yene gensuning lenju shehiride qazaqstanning xam néfitni saqlaydighan, xitaydiki5- sitratigiylik néfit ambiri qurushni planlawataqan bolup, bu néfit ambiri 10 milyon tonna néfitni sighdurayladighan bolup xitaydiki eng chong néfit ambiri iken. (Jüme)