Xitay tebi'iy gaz we néfit turuba liniyilirini yene kéngeytmekchi


2007-04-03
Share

Fransiye agéntliqining 3 ‏-april béyjingdin bergen xewiridin melum bolushiche, xitay 2010 ‏- yilgha qeder künsayin éshiwatqan énérgiye éhtiyajini qamdash üchün xitaydiki néfit turuba liniyilirini 60 pirsent kéngeytidiken.

Xitay néfit we tebi'iy gaz hessidarliq cheklik shirkiti qarmiqidiki tebi'iy gaz turuba liniysi shirkitining mes'uli tang yalining bildürüshiche, gherbning gazini sherqqe yötkesh ikkinchi qétimliq turuba liniysi qurulushi heqqide tetqiqat yighini échilghan. U mundaq dégen " bu liniye qurulushigha sélinidighan omumiy meblegh 100 milyard yüen bolup, bu turuba yiligha 30 milyard kup métir tebi'iy gaz toshuydu ".

Xewerde éytilishiche, bu turuba liniyisi tebi'iy gaz zapisi mol Uyghur élidin xitayning gu'angdung ölkisige tutashturilidiken.

2004- Yili xitay gherbning gazini sherqqe yötkesh birinchi qétimliq turuba liniyisini tamamlighan idi. Bu xitaydiki zor tiptiki énérgiye qurulushi bolup, Uyghur éli néfitliklirini xitayning déngiz boyi rayonlirigha tutashturghan. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet