Er-ayal nisbitidiki tengpungsizliq, xitay rehberlirini endishlendürmekte


2007.08.25

Xitayda künsiri jiddiylishiwatqan er-ayal nisbitidiki tengpungsizliq, béyjing hökümitining pilanliq tughut siyasiti keltürüp chiqarghan xeterlik aqiwetlerning biri hésablinidu.

Gerche, bu mesilining jiddilikini sezgen xitay hökümiti, yéqinda, er-ayal nisbitidiki tengpungsizliqning téximu jiddilishishining aldini élish üchün, bezi tedbirler qollunidighanliqini jakarlighan bolsimu, bu mesile xitayda alliqachan jiddiy bir mesilige aylan'ghan.

Shinxu'a agéntliqining xewer qilishiche, tallap bala élish sewebidin, oghul balilarning sani qizlargha qarighanda téz köpiyiwatqan bolup, nöwette jyangsu ölkisining liyanyunggang shehiride sekkiz oghul baligha 5 qiz toghra kélidiken.

Xewerlerge qarighanda, xitayning pilanliq tughut siyasiti tüpeyli, birla bala élish pursitige ige xitay a'ililer, bala oghul bolsa élip, qiz bolsa almasliq yolini tallighan. Gerche xitay hökümiti balining jinsyitini aldin énqlashni chekligen bolsimu, emma nurghun ata-anilar doxturlargha para bérish arqiliq, balining jinsiyitini aldin biliwélip, eger qiz bolsa balini alduruwitishni dawamlashturmaqta. Bu xitayda er-ayal nisbitide tengpungsizliq keltürüp chiqarghan bolup, bu tengpungsizliq künsiri jiddiy tüs almaqta. Xewerlerge qarighanda bu ehwal xitay rehberlirinimu endishilendürmekte iken.

Xitay da'irilirining xewer qilishiche, nöwette xitayda erlerning sani ayallarningdin 37 milyon köp iken. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.