Тәйвән иттипақ партийиси, лйән җән үстидин сотқа әрз сунди


2005-05-04
Share

Тәйвәндики мустәқиллиқни яқилайдиған тәйвән иттипақ партийиси, гоминдаң рәһбири лйән җән үстидин сотқа әрз сунуп, униң өз алдиға бейҗиң һөкүмити билән келишим имзалишиниң тәйвән қануниға хилап қилмиш икәнликини билдүрди.

Франсийә ахбарат агентлиқиниң хәвиригә қариғанда, мәзкур партийә йәнә лйән җәнниң бу қилмишиниң тәйвәнниң җинайи ишлар қануниниң 113 -маддисиға хилап йәни һөкүмәтниң рухсити болмиған әһвалда чәтәл күчлири билән келишим имзалаш болуп һесаблинидиғанлиқини көрсәткән.

Тәйвән иттипақ партийисиниң баянатчиси чен чйәнмиң сөзидә, "лйән җәнниң бейҗиңда ху җинтав билән келишимгә имза қоюши қанунға хилап қилмиш. У тәйвән дөлити вә тәйвән хәлқиғә хаинлиқ қилғанлиқи үчүн, биз униң үстидин сотқа әрз сундуқ" дәп билдүрди.

Бу арида тәйвән президенти чен шүйбйән, хәлқниң тәйвәндики демократийидин пәхирлиниши керәкликини тәкитлиди. Шундақла у йәнә җәнубий тинч окян дөләтлиридики зиярити җәрянида фиҗида тохтап өтидиғанлиқини җакарлиди. Анализчилар буниң, хитай һөкүмитиниң ғәзивини қозғайдиғанлиқини илгири сүрмәктә.(Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт