Teywen ittipaq partiyisi, lyen jen üstidin sotqa erz sundi
2005.05.04
Teywendiki musteqilliqni yaqilaydighan teywen ittipaq partiyisi, gomindang rehbiri lyen jen üstidin sotqa erz sunup, uning öz aldigha béyjing hökümiti bilen kélishim imzalishining teywen qanunigha xilap qilmish ikenlikini bildürdi.
Fransiye axbarat agéntliqining xewirige qarighanda, mezkur partiye yene lyen jenning bu qilmishining teywenning jinayi ishlar qanunining 113 -maddisigha xilap yeni hökümetning ruxsiti bolmighan ehwalda chet'el küchliri bilen kélishim imzalash bolup hésablinidighanliqini körsetken.
Teywen ittipaq partiyisining bayanatchisi chén chyenming sözide, "lyen jenning béyjingda xu jintaw bilen kélishimge imza qoyushi qanun'gha xilap qilmish. U teywen döliti we teywen xelqighe xa'inliq qilghanliqi üchün, biz uning üstidin sotqa erz sunduq" dep bildürdi.
Bu arida teywen prézidénti chén shüybyen, xelqning teywendiki démokratiyidin pexirlinishi kéreklikini tekitlidi. Shundaqla u yene jenubiy tinch okyan döletliridiki ziyariti jeryanida fijida toxtap ötidighanliqini jakarlidi. Analizchilar buning, xitay hökümitining gheziwini qozghaydighanliqini ilgiri sürmekte.(Peride)
Munasiwetlik maqalilar
- Amérika alimliri teywenning xitay bilen kélishim tüzüshige qarshi chiqti
- Xu jintaw bilen gomindang re'isi lyen jen " tarixiy xarektirlik uchrishish" élip bardi
- Chin shüybyen " bir dölet , ikki xil tüzüm" ni ret qildi
- Gomindang partiyisining re'isi lyen jen xitayni ziyaret qildi
- Xitay teywen munasiwitidiki yéngi yüzlinishler