Teywen ali sot mehkimisi öktichilerning saylamni inawetsiz qilish erzini ret qildi


2005-06-17
Share

Teywen ali sot mehkimisi jüme küni höküm chiqirip, gomindang we xelqperwerler partiyisining 2004 - yildiki teywen prézidént saylimini inawetsiz qilish toghrisidiki erzinamisini ret qildi.

Ali sot mehkimisi, öktichilerning saylamni inawetsiz qilish toghrisidiki erzi yiterlik asasqa ige emes, dep qarighan. Teywen prézidént mehkimisi , chén shüybyen bilen lüy shyulyenning sot mehkimisi qararigha hörmet qilidighanliqini eskertip, dawagerler, alaqidar terepler we xelq ammisining edliye qararigha hörmet körsitishini ümid qildi.

Emma sot mehkimisining qarari gomindang partiyisi bilen xelqperwerler partiyisini memnun qilalmighan. Gomindang partiyisi sot mehkimisining qararidin epsuslan'ghanliqini eskertip, teywen hökümitini sot mehkimisining tekshürüsh élip bérishigha hemkarlashmidi, dep eyibligen.

Xeqlperwerler partiyisi, sot mehkimisining hökümiti kishini qayil qilalmaydu, dédi. Hakimiyet üstidiki démokratiye tereqqiyat partiyisi, öktichilerni sot mehkimisining qararigha hörmet qilishqa chaqirdi.

2044 - Yili 20 - maydiki teywen prézidént saylimining harpa küni, chén shüybyen bilen lüy shyulyen namelum bir kishining qoralliq hujumigha uchrap yarilan'ghan. Bir kün kéyinki saylamda gomindang bilen xelqperwerler partiyisi meghlup bolghan. Emma bu weqe öktichilerning gumanini qozghap, merkizi saylam komitéti we ali sotning saylamni inawetsiz qilishini telep qilghan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet