Béyjingda saqchilar qurultay zali sirtidiki erz qilghuchilarni urup tarqitiwetti


2006.10.10

Xitay hökümiti bu qétim béyjingda échilghan kompartiyining 16 - nöwetlik 6 ‏- qétimliq qurultiyining ongushluq échilishi üchün, nurghunlighan saqchilarni yighin zal meydani etrapigha orunlashturup,ularni mezkur yighinning bixeter dawamlishishigha kapaletlik qilishqa ündigen.

Radi'omizning igiligen xewiridin melum bolushiche, bu qétim béyjingda 16 ‏- nöwetlik 6 ‏- qétimliq qurultay échilish jeryanida, yighin meydani etrapida naraziliq bildürgen erz qilghuchilar sani nechche yüz mingdin éship ketken shundaqla yüz bergen ammiwiy weqelermu ilgiriki yillardikidin köpeygen. Xitay hökümiti teripidin orunlashturulghan yighin zal meydani etrapidiki saqchilar minglighan naraziliq bildürgüchilerni urup heydigen hemde erz qilghuchilarning köp sandikisini qolgha alghan.

Radi'omizning ziyaritini qobul qilghan béyjinggha kélip yuqirilap erz qilmaqchi bolghan xu'ang ependi saqchilarning hetta béyjing poyiz istansisi etrapidikilernimu qattiq tekshürüp, béyjingda turushluq waqitliq kinishkisi yoqlarni qattiq urup qoghlighanliqini melum qildi.

Xu'ang ependining melum qilishiche, bu qétim qurultay échilishqa ülgürüp béyjinggha kélip naraziliq bildürgüchilerning köp sandikisi yerlik hökümetning künséri chirikliship puqralarning kishilik hoquqini xalighanche depsende qilghanliqi heqqide erz sunmaqchi bolghanlar iken. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.