ياۋروپا ئىتتىپاقىنىڭ ئەدلىيە مىنىستىرلىرى ئالدىنقى كۈنى ليۇكسېنبورگدا،مەزكۇر ئىتتىپاقنىڭ كەلگۈسى 2 يىلغىچە خىتاي ياۋروپا ئىتتىپاقىغا ئېكسپورت قىلغان ئاياقكىيىملەردىن 5.16 پىرسەنت باج ئالىدىغانلىقىنى قارار قىلدى.
بىرلەشمە ئاخبارات ئاگېنتلىقىنىڭ ئەسكەرتىشىچە، بۇ قارار خىتاي ئاياقكىيىملىرىنى ياۋروپادا تۆكمە قىلىپ سېتىشقا قارشى تۇرۇش ۋە ياۋروپا ئاياقكىيىم سانائېتىنى قوغداشنى مەقسەد قىلغان. شەنبە كۈنىدىن باشلاپ ئىجرا قىلىنىدىغان مەزكۇر قاراردا ۋېيتنامدىن ئېكسپورت قىلىنىدىغان ئاياقكىيىملىرىدىنمۇ باج ئېلىش بەلگىلەندى.
خىتاي سودا مىبنىستىرلىقى شۇ كۈنى ياۋروپا ئىتتىپاقىنىڭ قارارىنى " قانۇنغا خىلاپ"، دەپ ئەيىبلىگەن. خىتاي سودا مىنىستىرلىقىنىڭ باياناتچىسى چۇڭ چۈەن، خىتاينىڭ ئۆچ ئېلىش خاراكتېرلىك تەدبىر ئالىدىغانلىقىنى ئاگاھلاندۇردى. ياۋروپا ئىتتىپاقىنىڭ سودا كومىسارى ماندىلسون، بۇ يىل 8 - ئايدا خىتاي ئاياقكىيىملىرىدىن 5 يىلغىچە 5.16 پىرسەنت باج ئېلىشنى ئوتتۇرىغا قويغان. لېكىن قاراردا بۇ تەكلىپ 2 يىلغا قىسقارتىلدى.