Yawropa ittipaqi prézidénti xitayni siyasi islahat élip bérishqa chaqirdi


2005.07.15
Share on WhatsApp
Share on WhatsApp

Yawropa ittipaqining prézidénti xusiy manu'il barroso jüme küni, xitay da'irilirigha muqimliqni qoghdash shundaqla iqtisadi tereqqiyatning izchilliqini saqlash üchün siyasi islahat élip bérishke toghra kélidighanliqini eskertti.

Barroso jüme küni xitay ijtima'iy penler akadémiyiside sözligen nutuqida, démokratiye xitayda 20 yildin béri yolgha qoyuliwatqan iqtisadni libirallashturush keltürüp chiqarghan kérim perqidiki igiz - peslikni tengsheydu, dep körsetti. Barrosoning tekitlishiche, yawropaliqlar " eger yiterlik siyasi islahat élip bérilmisa, iqtisadning ösüsh sür'iti tormuzlinish yaki muqimsizliqning buzghunchiliqigha uchrash mümkinchiliki mewjut," dep qaraydiken.

Barroso, "xitayning ichki muqimliqini uzun mezgilgiche saqlap turush - turalmasliqi, uning siyasi islahat arqiliq démokratiye we erkinlikni qanchilik yolgha qoyushigha baghliq," dep körsetti.

Barroso xitaydiki ziyariti peyshenbe küni bashlan'ghan. U peyshenbe küni xitay bash ministiri wén jyabaw, jüme küni xitay dölet re'isi xu jintawlar bilen söhbet ötküzdi. Barroso, peyshenbe küni béyjingda xitay da'irilirini b d t ning puqralar hoquqi we siyasi hoquq ehdinamisini qobul qilishqa chaqirghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.