Barroso: yawropa ittipaqi xitayni bazar igilikidiki dölet, dep étirap qilishqa teyyar emes

Yawropa ittipaqi prézidénti xuséy manu'il barrosoning düshenbe küni xongkongda tekitlishiche, yawropa ittipaqi xitayni bazar igilikidiki dölet, dep étirap qilish üchün, téxnika jehettiki nurghun tosalghularni yéngishke toghra kélidiken. U, mulazimet sahesi, pul - mu'amile we banka, chet'el shirketlirini chetke qéqishni toxtitish shundaqla eqliy mülk hoquqini qoghdash jehettiki mesililerni hel qilish intayin muhim, dep körsetti. U, yekshenbe küni shangxeyni ziyaret qilip, énirgiyini israp qilish, patént hoquqi we xitayda rayonlar otturisidiki tengpungsizliqlar xitay iqtisadining eng ajiz halqisi, dep tekitligen.

Uning tekitlishiche, yawropa ittipaqi kelgüside duch kélidighan eng chong riqabet, iqtisadi bash kötürüwatqan xitaygha qandaq taqabil turush iken. Barrosoning xitaydiki ziyariti 14 - iyulda bashlan'ghan. U, 15 - iyulda xitay dölet re'isi xu jintaw bilen körüshüp, xitay da'irilirini siyasi islahat élip bérishqa ündigen idi.

Barrosoning eskertishiche, xitayning uzun - muddetkiche muqimliqni saqlap qélish yaki qalalmasliqi, béyjing da'irilirining démokratiye we puqralar hoquqini qanchilik kéngeytishige baghliqken. (Erkin)