Хитай әйдиз мәһбуслар үчүн түрмә салидиғанлиқини рәт қилди


2005-11-17
Share

Бейҗиң даирилири пәйшәнбә күни баянат елан қилип, җуңго һөкүмитиниң әйдиз вируси билән юқумланған мәһбуслар үчүн айрим түрмә салидиғанлиқини рәт қилди.

Хитай ташқи ишлар министирлиқиниң баянатчиси лю җйәнчав мухбирларни күтүвелиш йиғинида, "җуңгониң бу хил алаһидә түрмиләрни селиш пилани йоқ" дәп тәкитлигән. Әмма хитайниң һөкүмәт тәрәп зувани болған "җуңго гезити" дүшәнбә күни гуаңдуң өлкисиниң әйдиз билән юқумланған мәһбуслар үчүн мәхсус түрмә селишни пиланлаватқанлиқини хәвәр қилип, аз дегәндә икки түрмә селинидиғанлиқини ашкарилиған".

"Җоңго гезити" ниң әскәртишичә, гуаңдуң бойичә әйдиз кесилигә гириптар болған мәһбуслар 20 әтрапида болуп, 518 нәпәр мәһбус әйдиз вируси билән юқумланған.

"Җуңго гезити" йәнә гуаңдуңдики йәрлик әмәлдарларниң сөзини нәқил кәлтүрүп, "әйдизниң мәһбуслар арисида ямрап кетишидин сақлиниш үчүн, өлкә даирилири әйдиз билән юқумланған мәһбусларни мәхсус түрмигә йөткәйду" дегәнликини хәвәр қилған иди. Әмма лю җйәнчав, " җуңго түрмә әслиһәлирини көпәйтип, әйдиз билән юқумланған мәһбусларни һәқсиз тәкшүриду вә уларға тиббий ярдәм бериду" деди.

Бейҗиң һөкүмити хитай бойичә 840 миң кишиниң әйдиз кесили вә әйдиз вируси билән юқумланғанлиқини билдүрмәктә. Әмма мутәхәссисләрниң қаришичә, аз дегәндә бир милйон деһқан бу кесәлгә гириптар болған болуши мумкин. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт