Xitay eydiz mehbuslar üchün türme salidighanliqini ret qildi
2005.11.17
Béyjing da'iriliri peyshenbe küni bayanat élan qilip, junggo hökümitining eydiz wirusi bilen yuqumlan'ghan mehbuslar üchün ayrim türme salidighanliqini ret qildi.
Xitay tashqi ishlar ministirliqining bayanatchisi lyu jyenchaw muxbirlarni kütüwélish yighinida, "junggoning bu xil alahide türmilerni sélish pilani yoq" dep tekitligen. Emma xitayning hökümet terep zuwani bolghan "junggo géziti" düshenbe küni gu'angdung ölkisining eydiz bilen yuqumlan'ghan mehbuslar üchün mexsus türme sélishni pilanlawatqanliqini xewer qilip, az dégende ikki türme sélinidighanliqini ashkarilighan".
"Jonggo géziti" ning eskertishiche, gu'angdung boyiche eydiz késilige giriptar bolghan mehbuslar 20 etrapida bolup, 518 neper mehbus eydiz wirusi bilen yuqumlan'ghan.
"Junggo géziti" yene gu'angdungdiki yerlik emeldarlarning sözini neqil keltürüp, "eydizning mehbuslar arisida yamrap kétishidin saqlinish üchün, ölke da'iriliri eydiz bilen yuqumlan'ghan mehbuslarni mexsus türmige yötkeydu" dégenlikini xewer qilghan idi. Emma lyu jyenchaw, " junggo türme eslihelirini köpeytip, eydiz bilen yuqumlan'ghan mehbuslarni heqsiz tekshüridu we ulargha tibbiy yardem béridu" dédi.
Béyjing hökümiti xitay boyiche 840 ming kishining eydiz késili we eydiz wirusi bilen yuqumlan'ghanliqini bildürmekte. Emma mutexessislerning qarishiche, az dégende bir milyon déhqan bu késelge giriptar bolghan bolushi mumkin. (Erkin)
Munasiwetlik maqalilar
- Xitay sehiye ministirliqi: jonggoda eydiz bilen yuqumlan'ghanlar 120 mingdin ashti
- B d t kishilik hoquq komitétining re isi xitayni ziyaret qilmaqchi
- B d t ten jazasini tekshürüsh emeldari Uyghur aptonom rayonini ziyaret qilidu
- Kishilik hoquq közitish teshkilati xitayni eydiz pa'aliyetchilirige ziyan salmasliqqa chaqirdi
- Sichüen soti qiyin- qistaq arqiliq érishken jinayi pakitlarni ishlitishni cheklidi