Хитайда әйдизниң көпийишигә мунасивәтлик йеңи сәвәб елан қилинди
Хитай һөкүмәт ахбарат васитилириниң мәлуматиға қариғанда, хитайда әйдиз вируси билән йеңидин юқумланғучиларниң көпинчиси қалаймиқан җинсий мунасивәт сәвәбидин мәйданға кәлгән болуп, бу әһвал омумий җамаәт топиниң арисида әйдиз вирусиниң ямрап кетиш хәтирини күчәйтивәткән.
Хитай гезити (中国日报 ) хитай сәһийә министирлики вә юқумлуқ кесәлликләрдин сақлиниш вә алдини елиш мәркизи елан қилған санлиқ мәлуматлардин нәқил елип көрситишичә, пүтүн хитай бойичә йеңидин әйдиз пәйда қилғучи HIV вируси билән юқумланған 70 миң адәмниң йерими дегүдәк җинсий мунасивәттин юқумланған икән.
Хитай әйдиз учур ториниң хадими гав чи: “хитайда тунҗи әйдиз бимари 1989- йили байқалғандин буян, җинсий мунасивәт арқилиқ әйдиздин юқумлиниш хитай бойичә әң чоң салмақни игиләп кәлди” дәйду.
Ройтерс агентлиқи 20-авғуст бу һәқтә бәргән хәвәрдә көрситишичә, хитайда һазир 650миң әйдиз бимари яки HIV вирусини елип йүргүчиләр бар болуп, җинсий турмуш һәққидики мутәәссиплик, җинси сағламлиқ билимлириниң төвән болуши, вә асаси қатламда һәрикәт қиливатқан һөкүмәтсиз тәшкилатларниң әйдиз һәққидики тәшвиқат паалийәтлиригә гуман билән қариши қатарлиқлар, әйдиз вирусиниң ямрап кетишниң алдини елиш ишлириниң үнүмлүк елип берилишидики тосалғу икән.
1990- Йили хитайниң хенән өлкисидә қан сетиш алдамчилиқи сәвәблик әйдиз билән юқумлиниш әһвали еғир мәсилигә айланған иди.
Уйғур елиму әйдиз билән юқумлиниш әһвали интайин еғир болуп, хитайниң һөкүмәт торида көрситишичә, 2005- йили 9- айдин 2006- йили 9 айғичә, уйғур елидә йеңидин юқумланған әйдиз бимарлири 6 миң нәпәргә йеқинлашқан. (Җүмә)
Мунасивәтлик мақалилар
- Хитай дунядики итиварини қайтидин тикләш үчүн бәзи ширкәтләрни тақашқа башлиди
- Муһит булғинишидин хитайда һәр йили йүз миңлиған адәм өлмәктә
- Кишилик һоқуқ йиғиниға қатнишиш үчүн йолға чиққан хитай әйдиз паалийәтчисиниң аяли айродромда тосуп қелинди
- Дуня сәһийә тәшкилати: қуш зукими хитайда йәнила мәвҗут
- Хитайда йәнә қуш зукими байқалди
- Хенән сәһийә назарити әйдиз билән юқумланған һамилдар аялларни тәкшүрүшни рәт қилмаслиқ буйруқи чүшүрди
- Хитай һөкүмити әйдиз паалийәтчиси гав явҗиниң америкиға келип мукапат тапшуруп елишиға рухсәт қилған
- Хитай һөкүмити әйдиз дохтури гав явҗйениң америкиға келип мукапат қобул қилишини тосиди
- Хитай һазирчә хәтнә қилишни әйдизгә қарши турушниң бир тәдбири сүпитидә тәшәббус қилмайду