Xitayda eydizning köpiyishige munasiwetlik yéngi seweb élan qilindi


2007.08.20
Share on WhatsApp
Share on WhatsApp

Xitay hökümet axbarat wasitilirining melumatigha qarighanda, xitayda eydiz wirusi bilen yéngidin yuqumlan'ghuchilarning köpinchisi qalaymiqan jinsiy munasiwet sewebidin meydan'gha kelgen bolup, bu ehwal omumiy jama'et topining arisida eydiz wirusining yamrap kétish xetirini kücheytiwetken.

Xitay géziti (中国日报 ) xitay sehiye ministirliki we yuqumluq késelliklerdin saqlinish we aldini élish merkizi élan qilghan sanliq melumatlardin neqil élip körsitishiche, pütün xitay boyiche yéngidin eydiz peyda qilghuchi HIV wirusi bilen yuqumlan'ghan 70 ming ademning yérimi dégüdek jinsiy munasiwettin yuqumlan'ghan iken.

Xitay eydiz uchur torining xadimi gaw chi: “xitayda tunji eydiz bimari 1989- yili bayqalghandin buyan, jinsiy munasiwet arqiliq eydizdin yuqumlinish xitay boyiche eng chong salmaqni igilep keldi” deydu.

Roytérs agéntliqi 20-awghust bu heqte bergen xewerde körsitishiche, xitayda hazir 650ming eydiz bimari yaki HIV wirusini élip yürgüchiler bar bolup, jinsiy turmush heqqidiki mute'essiplik, jinsi saghlamliq bilimlirining töwen bolushi, we asasi qatlamda heriket qiliwatqan hökümetsiz teshkilatlarning eydiz heqqidiki teshwiqat pa'aliyetlirige guman bilen qarishi qatarliqlar, eydiz wirusining yamrap kétishning aldini élish ishlirining ünümlük élip bérilishidiki tosalghu iken.

1990- Yili xitayning xénen ölkiside qan sétish aldamchiliqi seweblik eydiz bilen yuqumlinish ehwali éghir mesilige aylan'ghan idi.

Uyghur élimu eydiz bilen yuqumlinish ehwali intayin éghir bolup, xitayning hökümet torida körsitishiche, 2005- yili 9- aydin 2006- yili 9 ayghiche, Uyghur élide yéngidin yuqumlan'ghan eydiz bimarliri 6 ming neperge yéqinlashqan. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet